Imigassaq aangajaarniutaavoq atugaaqisoq. Kisianni imigassap ajoqutaasumik kingunerisartagaanik sunnigaanerpaasartut tassaapput meeqqat. Tamannalu meeqqanut suli ilumiuusunut aamma meeqqanut ajoqusiisartumik imigassamik atuisunik qaninnerpaasaminnik ilaqutaqarlutik peroriartortunut atuuppoq. Meeqqat angajoqqaaminni toqqissisimasunik avatangiiseqarlutik pisariaqartumik isumassorneqarlutik asaneqarlutillu peroriartornissartik pisariaqartippaat. Ajoraluartumik ullumikkut meeqqat amerlasuut taama pisariaqartitaminnik toqqissimasumik peroriartortanngillat. Misissuinerit nalunaarusiallu arlallit takutippaat, ajoqusiissutaasumik imigassamik atuineq meeqqat ilaqutariillu ajornartorsiutaasa ilarpassuinut pissutaasoq. Politiit nalunaarutaasa takutippaat, imigassaq persuttaanerit, ajunaarnerit imminornerillu pillugit suliani akuukulaqisoq. Angajoqqaanik, ajoqusiisartumik imigassamik atueriaasilinnik suleqateqarnermi piumasaavoq oqaloqatigiinnissaq, misiginneqataasinnaaneq isumassuinerlu. Angajoqqaat taakku inuunerminni arlalitsigut assigiinngitsorpassuarnik ajornartorsiuteqartarput. Angajoqqaanut pingaartorujussuuvoq ilissinniit tapersersorneqarnissaq, unamminartunut naapittagaannut naleqqiullugu. Angajoqqaat ilaqutariinni meeraq nutaaq peqatigalugu pitsaanerpaamik aallarteriarnissaminnut periarfissaqartariaqarput
Illit, meeqqat angajoqqaajunerillu MANU alkohol aqqutigalugu aallartilluarnissamut periarfissikkumavatsigit.
1. Før undervisningen
2. Til undervisningen
Animationsfilm
Hæfter
