MANU Hash aqqutigalugu angajoqqaat periarfissikkumavagut ilaqutariinni nutaamik meerartaqalernerminni pitsaanerpaamik aallartinnissaannut.
Aamma hashi maannakkut inuuneranni ilaagaluarpalluunniit. Atortussiat MANU Hash aqqutigalugit neriuutigaarput, ilissi sulisutut sakkussaqassasusi, sulinissinni angajoqqaanngortussat angajoqqaanngorlaallu hashimik pujortartartut naapinneranni atorsinnaasassinnik.
Nalunngilarput ilissi tungissinniit angajoqqaanngortussanik angajoqqaanngorlaanillu inuunerminni assigiinngitsorpassuarnik unammilligassaqartunik suleqateqarniarnissinni pisariaqartartoq, suliamik ilisimasaqarluarnissaq, attaveqaqatigiilluarsinnaaneq, isumassuineq, sapiissuseqarneq tunniutiinnajuinnissarlu.
Angajoqqaanut pingaaruteqarluinnartuuvoq unammillernerminni ilissinnit tapersersorneqarneq.
Allorfimmut saaffiginniffissaq tunniussiinnavat oqarasuaat: (+299) 52 53 43 nittartagarluunniit www.allorfik.gl
1. Ilinniartitsilinnginnermi
2. Ilinniartitsinermut atugassat
Atortussat
titartakkat aalasuliat