Meeqqallu atuakkanik sammisaqaraangassi misigisaqaqatigiittarpusi. Qanimut issiaqatigiilluni atuakkami pisunik tiguartisimaaqatigiinneq nuannisaqatigiinnermik pilersitsisinnaavoq, ataqatigiinnermillu misigilersitsisinnaalluni.
Meeqqat atuagaannik atuaraangavit meeqqavit ukkataa pillugu oqaloqatiginissaanut periarfissaqalersarputit.
Ataani takusinnaavatit meeqqanut atuakkat MANU-minngaanneersut. Meeqqat atuagaat immikkut tamarmik angajoqqaanut kakkersagartaat sammisamut tunngasunik paasissutissartalinnik isumassarsiorfiusinnaasunillu imaqarput.
Meeqqanut atuakkat angajoqqaanullu mappersakkat nangeqattaartut ukuupput:
- Manumina aammalu Meeqqavit atuagaa siulleq
- Manuminap misigissusai aammalu Meeqqavit misigissusai
- Manumina sinilluarit aammalu Meeqqavit sininnissaa
- Manumina kuppiararpoq aammalu Meeqqat napparsimasoq
- Manumina assani errortorpai aammalu Manumina Meeqqat napparsimasoq
- Manuminap timaa aammalu Meeqqavit timaa
- Manumina atualerpoq aammalu Qitornat atualerpoq
- Manumina pinnguarpoq aammalu Meeqqavit pinnguarnera aalaneralu
