MANU tamanut tulluuppoq, ernisussanik angajoqqaanngornissamullu piareersaasartunut, meeraaqqanik taakkulu angajoqqaavinik suliaqartunut. Sulisuniillu assigiinngitsunik tunuliaqutaqartunit assigiinngitsumik periuseqarluni atorneqarsinnaalluni.
MANU naartuleqqaarnermiit aallartippoq meeqqallu arfinilinnik ukioqalernissaata tungaanut atuulluni. MANU-mi angajoqqaat peqatigalugit eqqartorneqartarput qulequttat meeqqat angajoqqaajussutsillu ineriartornerinut naapertuuttut, meerarisallu ulluinnarisami nalaanneqartartut.
Angajoqqaajussuseq pingaarnertut ukkatarineqarpoq, tassani angajoqqaat namminneq kissaatigisartik naapertorlugu meeqqatik peqatigalugit inuuneq nuannersoq qanoq pilersikkusunneraat pineqarluni. MANU-mi aallaaviupput tunngaviusumik teoriit, angajoqqaajunermut, meeqqat angajoqqaallu attaveqatigiinnerannut aammalu meeqqat peqqissumik ineriartortarnerannut tunngasutillit. Ilinniartitseriaatsinut tunngasuniik eqqarsaatersuutigineqarnikuupput, peqataasut ingerlatsinerminni peqataalluarnissaat, namminerisaminnik isummersornissaat, eqqarsaasersornissaat namminnerlu pingaartitaminnik erseqqissisitaqarnissaat.
MANU-minngaanneersut atortut sulisunoortut ukuupput:
- llinniartitsinissamut ilitsersuut
- Powerpoint seqersittagaq ilinniartitsinermi atorneqarsinnaasoq
- Titartakkatut isiginnaagassiaaraq
- Atortut allat, assilissat angisuut (plakatit), MANU-p ilisarnaataa, allakkanut allaffissaq (postkorti) allallu
Malugiuk. Atortussiat immikkoortinneqarnikuupput ilinniartitsilinnginnermi aammalu ilinniartitsinermi, ataani immikkoortunik toqqaanialeruit.