MANU Angajoqqaanik ataatsimiisitsineq tassaavoq ilaqutariinnut naartusortalinnut ilaqutariinnullu nukangasunik meerartalinnut neqeroorutinut allanut tapertaliullugu neqeroorut.
MANU Angajoqqaanik ataatsimiisitsinerup qulequttat pingasut, meeqqerivimmi
angajoqqaanik ataatsimiisitsisoqassatillugu atorsinnaasut, imarivai.
Qulequttat pingasut, tamarmik immikkut ataatsimiinnermut ataatsimut
naatsorsuussaasut ukununnga tunngasuupput:
1. Meeqqap pisariaqartitai
2. Meeqqanik perorsaaneq
3. Ataatsimooqatigiinneq suleqatigiinnerlu
Angajoqqaanik ataatsimiisitsinerup siunertarai:
- Meeqqap meeqqerivimmiittartup pisariaqartitai pillugit ilisimasanik ingerlatsitseqqiinissaq
- Angajoqqaat meeqqat pisariaqartitaat pillugit ilisimasaqalernissaat
- Angajoqqaat meeqqamik pisariaqartitaannik piviusunngortitsinissaannut periarfissat annertusarnerat
- Angajoqqaat sulisullu akornanni ammasuunerup ataatsimooqatigiinnerullu patajaallisarnissaat
Nalunngiliuk ilaqutariit naartusortallit amerlanerpaat naartusortaqanngitsunik
inuunerminnik allanngortitserusunnerusartut? Illit aappallu peqqinnarnerusumik inooriaaseqalerusuppisi? Taamaappat naartuneq peqqinnanngitsumik inooriaaseqarnermiit peqqinnartumik inooriaaseqarnermut nooriarfissatsialaavoq.