MANU – naartusunut angajoqqaanullu 6-it tikillugit ukiulinnik meeralinnut.
MANU tassaavoq ataatsimoortumik isiginneriaaseqarluni inersimasunik ilinniartitsineq, angajoqqaanut nuna tamakkerlugu neqeroorutaasoq.
MANU tassaavoq ataatsimoortumik isiginneriaaseqarluni najoqqutassiaq, angajoqqaanik malinnaaffiusoq, naartunermik misissuilluni atortumi titarnernit siullernit marlunniit 3-4- nik ukiulimmik meeraqarluni ulluinnarisaq ilanngullugu.
Politikkikkut aalajangerneqarnikuuvoq MANU angajoqqaanut nuna tamakkerlugu neqeroorutigineqassasoq. MANU-mi atortussiat suliarineqarnikut tassaapput: Angajoqqaanik piareersaaneq, Meeraq 1-imiik 2-nut ukiulik, Meeraq 3-4-nik ukiulik, Meeraq 5-6-nik ukiulik, MANU Hash, MANU Alkohol, MANU Angajoqqaanik ataatsimiisitsineq aamma MANU Innuttaasunik ataatsimiisitsineq.
MANU-mi ilinniartitsisussat tamarmik atortussat pillugit siunnersorneqarlutillu ilitsersorneqartarput, tassuunakkut angajoqqaat tamarmik, angajoqqaarsiat
meeravissiartaartullu ilanngullugit, sumiluunniit najugaqaraluarunik assigiimmik ilinniartinneqarsinnaaqqullugit.
MANU-p angajoqqaat tamaasa – angutit arnallu – angajoqqaanngornissaannut angajoqqaajunissaannullu piareersarluartarpai.
Angajoqqaanngortussat illoqarfinni ataasiakkaani angajoqqaanngornissamut piareersarneqarnissaminnut neqeroorfigineqartarput. Taassumap saniatigut uani nittartakkami sakkussat MANUminngaanneersut nanisinnaavatit.
Meeqqat siunissaraagut – illit meeqqat siunissaraarput
Meeqqat siunissaraagut – illit meeqqat siunissaraarput
Ataata anaanalu tamarmik isiginiarneqarput
Ataata anaanalu tamarmik qitiutinneqarput ataatsimoorlutillu periarfissinneqassapput inuunermik kingumut qiviarnissaanut, maanna sumiinnermik eqqarsaatiginissaanut aamma meeqqamik siunissaa pillugu takorluukkamik ilimagisamillu misissornissaannut. MANU-mi angajoqqaanngortussat tamarmik, angajoqqaarsiassat meeravissiartaartussallu, ilaqutariinni nutaamik meerartaqarlutik aallartilluarnissaat aamma angajoqqaat 0-6- nik ukiulinnik meerallit angajoqqaajulluarnissaminnut sakkussinnissaat siunertaapput.
Pitsaasumik angajoqqaajoriaatsit amerlaqaat
Illit namminerpiaq angajoqqaatut pissusilersuutissavit nassaarinissaanut ikiussavaatit.
”Paasiuminaatsippara upperiuminaatsillugulu. Ataatanngulerpunga, eqqumiik (…) Tassanngaannaq misigilerpunga sorpassuit isummerfigisariaqalerlugit. Ataatsikkut tanngassimaarpunga, imminut naammagisimaarlunga ernumallungalu”
