3-4-nik ukiulimmik meeraqarneq nuannersuuvoq. Inerikkiartorneq sukkasaqaaq, qularnanngilarlu meeqqavit apeqqutinik allanillu meeqqavit
eqqarsaatigisinnaasaatut ilimaginngilluinnakkannik tupaallatsittaraatit. Ilutigisaanik meeqqap taama ukiullip suli sapigai amerlaqaat, soorlu kamakkaangami aliasuleraangamiluunniit imaluunnit assersuutigalugu sooq aasakkut silami pinnguarneq nuannerseruttortoq innartariaqarnini paasinngikkaangamiuk pissusilersuutimi aqunnissaat.
”MANU Meeraq 3-nik aamma 4-nik ukiulik”-mi siunertaavoq
angajoqqaajunerup patajaallisarnissaa meeqqanut iluaqutaasussamik.
Tamanna pisarpoq makku aqqutigalugit:
- Angajoqqaat malugissavaat meeqqap suut soqutiginerai, tamatumalu
namminneq angajoqqaatut qanoq sunnerneraatik. - Meeraq angajoqqaavilu ataatsimorluni ulluinnarni ingerlanneqartartunut peqataassapput tamanut nuannaarutaasumik, angajoqqaallu ilinniassavaat qanoq iliorlutik meeqqap pinnguarneranut tapertaasinnaanerlutik.
- Angajoqqaat meeraq oqaloqatigissavaat meerarlu peqatigalugu
ingerlataqartarlutik. - Angajoqqaat misigissavaat, artornarsinnaasut oqallisiginissaat akuerisaasoq, namminnerlu misigissutsitik oqaasinngorsinnaallugit.
- Angajoqqaat akornanni oqaloqatigiittarnerit pitsanngorsarnerat.
Ilisimaviuk:
- Meeqqat takusatik misigisatillu eqqarsaqqaaratik tassanngaannarlu qisuariarfigisarpaat.
- Meeqqat taama ukiullit arlalitsigut sakkortuunik misigissuseqartarput. Meeqqannut iluaqutaassaaq, misigissutsit meeqqami takusinnaasatit pillugit oqaloqatigisarukku.
- Meeqqat piffissap malinnaaviginissaa ajornakusoortinnerusaqaat. Imaappoq meeqqap ataatap angerlamut apuunnissaa sivisoorujussuartut misigisinnaavaa, naak uagutsinnut inersimasunut akunneq ataasiinnaagaluartoq.
- Meeqqat inersimasoq qimakkuminaatsissinnaasarpaat. Anaanap ataatalluunniit qimagutilernerat toqqissiunnaarutaasinnaavoq. Taamaammat immaqa meeqqap noqissavaatit qimaqqunanilu. Meeqqat allat allamukarnissaq nuannarisaqaat, inuulluaqqunissallu piffissaqarfigsarnagulluunniit.
- Meeqqap inuup allap qanoq-innera sunillu piumasaqarnera arlalitsigut takorloorsinnaalersarpaa.
Ilutigisaanillu meeraq tassangaannartunik iliuuseqarsinnaasarluni.
