MANU innuttaasunik ataatsimiisitsineq

MANU Innuttaasunik ataatsimiisitsineq periarfissiivoq najukkanni innuttaasut
katersuutsinnissaannut, tassanilu ataatsimoorlusi avatangiisinik pitsaasunik
toqqissisimanartunillu meeqqat inuussuttullu ingerlalluarnissaannik
inerikkiartorluarnissaannillu siuarsaasunik pilersitsinissassinnik
eqqartueqatigiinnissassinnut. MANU Innuttaasunik ataatsimiisitsineq najukkami inuiaqatigiinnut tamanut saaffiginnippoq – inuusuttunut utoqqaanerusunullu.

MANU Innuttaasunik ataatsimiisitsinermut atortussiat isumaginninnermik peqqissutsimillu immikkut ilisimasallit nunamit tamarmeersut suleqatigalugit pilersinneqarput. Atortussiani sammineqarput oqaluttuaq nuannersoq, amma nammineq najugaqarfimmi qanoq iliortoqarsinnaanersoq, kiisalu siunissaq pillugu suut takorloorneqarlutillu kissaatigineqarnersut.

Innuttaasunik ataatsimiisitsinerup siunertarai:

  • Angajoqqaajunerup angajoqqaatullu akisussaanerup patajaallisarnissaat, meeqqanut iluaqutaasumik, najukkami inuiaqatigiinni nukissaat iluaqutiginerisigut.
  • Najukkami inuiaqatigiinni susassaqartut assigiinngitsut akornanni iliuuseqarnissamut periarfissat suleqatigiinnerullu tapersersornissaat, meeqqat pitsaasumik toqqissinartumillu avatangiiseqarnissaannut iluaqutaasumik.
  • Meeqqat akisussaaffiginerat aamma siunissaq pillugu takorluukkat eqqarsaatigalugillu oqallisiginissaat.

Nalunngiliuk, meeqqat anginerit pingaarutilinnik misilittagaqarlutillu ilisimasaqartut saqqummiussinnaasaminnik. Taamaammat aamma pingaartuuvoq tusarniaaviginissaat peqataanissaminnullu periarfissinneqarnissaat.